Shillong, Rymphang 28 : Ka jingtei ia ka Iingdorbar Thaw Ain ba thymmai kala iaid ha ka lynti kaba dei ban lah pyndep noh hashuwa ka Dorbar Synrai ha u bnai Nailar, pynbna u Lamphang ka Iingdorbar Thomas A Sangma.
Haba kren sha ki lad pathai khubor ha ka sngi Thohdieng, u Thomas ula ong “Ka jingiaid ka kam ka long kaba itynnad, hynrei ngi don ia ka por kaba khim naba ngi hap ban pyndep noh hapoh u bnai Jylliew lane Naitung namar ka Dorbar ban wan jong ka Iingdorbar kan long ha u bnai Nailar…kumta ngi hap ban pyndep noh shuwa ia kata”.
Ki kam ba shapoh, kynthup ki security system, audio-visual, lighting, ki data cables la pyntrei da ka kompani ba na US, kaba pyntrei ia ka Parliament.
“Kine ki tiar ki dei kiba shna shabar kaJylla bad kila don ha lynti bad ngi khmih lynti ba ki tiar baroh kin poi ha u bnai ban wan” ula ong.
Ka mang tyngka ia kane ka project ka long T.30 klur bad ka building ba thymmai kan don bun ki kamra ban ai jaka ia baroh ki dkhot, bad ki jaka shong ruh kin don 45 tylli ia baroh ki arliang-ka Liang Synsahr bad Liang Pyrshah.
U pyntip ba la bthah ia ki contractor ba kin trei baroh arphew saw kynta ban lah pyndep ia ka kam ha ka por kaba buh.
