Murshidabad, Nohprah 08 : Haduh 9 ngut ki Khunlung ba dang shu kha bad iwei bala ar snem, kila iap hapdeng ka jing sumar ha Murshidabad Medical College & Hospital tang hapoh ka 24 kynta.
Ka jingiap jong kine ki Khunlung tang hapoh ka shisngi kala pynkhynwin ia ka thain baroh kawei.
Ka Sorkar kala thung mynta ia ka Committee ban tohkit ia kane ka jingiap jong kine ki Khunlung.
Ki bor pyniaid hospital ki pyntip ba lai ngut na kine ki Khunlung ki dei kiba la kha ha Murshidabad Medical College & Hospital katba kiwei pat ki dei kiba wanrah na ki Sub Division hapdeng ka jingshitom kaba jur.
Ki doktor ki pyntip ba i Khunlung ba dang 2 snem ruh I dei kiba don hapdeng ka jingsumar ha hospital namar ka jingpang ha ki bynta ka khlieh.
Ki bor hospital kila pynthikna ia kane ka jingjia bad pyntip ba kila dep phah ia ka kaiphod shaka Tnad ka koit ka khiah jong ka Jylla West Bengal.
Ka khubor ka iathuh ba ka Murshidabad Medical College & Hospital kala ai jingsumar ia kumba 380 ngut ki Khunlung ba dang shu kha tang ha u bnai bala lah.
