Shillong, Nailar 24 : Ki Pulit ka East Jaintia Hills ha ka sngi Palei, kila hap ban siat tear gas bun tylli bad bom lathi hadien ka jingmih ki kynhun kiba thombor ia ka jaka ba pynlong ia ka public hearing ha shnong Lumshnong, kum ka jingpyrshah ia ka jingtyrwa ban pynheh ia ka lynkha treikam ka M/s Meghalaya Cement Lts (TopCEM).
Marsyn sdang ka jingbisharpaidbah, ki paidbah kila thombor ia kane ka jaka bad pynpra ia ka pandal, ong u Suprintendent of Police ka District Jagpal Singh Dhanao.
U pyntip ba ki Pulit haba nyngkong kim shym lah ban leh eiei namar ka jingdon jong ki Kynthei bad ki Khynnah.
U pyntip ba ki nongiakhih kila pyrshang ruh ban thang ia ka pandal hynrei ki Pulit kila lah ban khang ia kane bad kila lah ban tehlakam ia kine ki briew.
U SP u pyntip ba hadien ka jingiakren bad ki bor pyniaid District bad ka Meghalaya State Pollution Control Board (MSPCB), ia kane ka public hearing la pynkynriah sha kiwei pat ki jaka.
Hynrei ki paidbhur kila leit thombor ia kane ka jaka bala pynbeit hadien bad kila kawang maw ia ki Pulit kila ap pahara ia kane ka jaka.
Khnang ban pynsaphred ia ki paidbhur, ki Pulit kila hap ban pyndonkam ia ka bor bad kila beh thong ia kine ki nongiakhih na ka phyllaw jong ka karkhana hadien ka jingbyrngem ba kin thombor ia kane ka karkhana bad ia ki kali kiba don ha kane ka jaka.
Ha ka 3 tarik Nailar, ki Sengbhalang kila dawa ia ki bor District ba kin pynsangeh ia ka jingthmu ban pynlong ia ka public hearing jong ka M/s Meghalaya Cement Ltd bad ka M/s Green Valley Industries Ltd kaba la buh ban long ha ka 24 bad 25 tarik Nailar.
Kat kum ka jingong ki Sengbhalang, ka jingdon jong kine ki karkhana ha ka District kim shym la pyndep ia ka kamram bad ka jingdonkam jong ki trai jaka haba iadei bad ka iohkam ioh jong ki samla bala nang la stad ba khlem kam khlem jam.
Pule lang ia kane: Dawa ka KSU ban thungkam shuwa iaki trai Jylla ha ka kam MHO bad doktor Specialist
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
