Shillong, Lber 13 : Ki samla pule ka Tura Polytechnic kila hap ban pynlut nala ka jong ka pla haduh T. 15000 ban thied um bam bad umsait umkhlieng namar ka jingkyrduh um palat ha ki hostel ba ki sah.
Kat kum ka jingong jong ki, ki bor khmih ka college kila sngap mynthi ia ki jingud jingnam kiba la pynpaw ha kiba bun ki shithi bala phah sha u Principal jong ka Institute.
Namar ka jingbym don lad shuh, ki samla pule hapoh ka lama jong ka Tura Polytechnic Students’ Union (TPSU) hynne ka sngi Balang kila dawa ia u Director ka Higher & Technical Education (DHTE) ba un tuklar lang halor ka jingbym biang ka rukom sam um hapoh ki hostel.
“Kala iaid palat shibnai naduh ba sdang klas, ngi la mad ia ka jingeh ha ka jingioh um. Jan T. 15000 ngi la pynlut ban thied um bad mynta ngi la mad jingeh ban pynbiang ia ka bai bam bad ia ka um” ong ka union ha ka shithi ujor.
“Ka jingioh duna ka um kala pynthut ia baroh ki kam ki jam ba manla ka sngi naduh ka sum ka sait ialade, ka um ban dih, ka um ban shet, ban sait ia ki jain, pynkhuid ia ki kamra bad ter ter” kala ong.
Ka pyntip ba ia kane ka jingeh ki samla pule la dep ban pyntip sha u Principal naduh ka 19 tarik Rymphang hynrei haduh mynta ym shym la shu sngap jar jar ia kane ka kam.
 hynne ka sngi Balang kila dawa ia u Director ka Higher & Technical Education (DHTE) ba un tuklar lang halor ka jingbym biang ka rukom sam um hapoh ki hostel.){kind=link}