spot_img

Hap pynlip bording ka MeECL ba duh san tylli ki Unit jong ki kompani

Date:

Share post:

Shillong, Jylliew 27: U Myntri Rangbah ka Jylla Conrad Kongkal Sangma hynne ka sngi nyngkong, ula pyntip ba ka Meghalaya Energy Corporation Limited (MeECL) kala hap ban pynlip bording ha Jylla (Load Shedding) namar ka jingduh haduh 3 tylli ki Unit pynmih bording jong ki kompani ka Sorkar Pdeng.

U Myntri Rangbah u pyntip ruh ba hynne ka sngi ula lum ia ka ingialang bishar kam (review meeting) halor ka kam pynmeh bad pynlip bording hapoh ka Jylla bad ki heh Ophisar ka Tnad bording ka Jylla.

“Ka jylla ka hap ban pyntreikam ia ka jingpynlip bording (load shedding) namar ka jingioh duna ia ka bording haduh ba 5 tylli ki Unit kynthup ia lai tylli jong ki National Company kata ka OTPC bad Kopli bad artylli ki Unit jong ka Leshka bad Umtru Power Project ka Jylla kim shym la treikam” ong u Myntri Rangbah.

Kat kum ka jingong jong u, ka Jylla ka don hapdeng ka jingduna bording kumba 110 megawatt (MW) namar ka jingbym treikam kine ki Unit jong ka OTPC bad jong ka Jylla.

“Kumba long mynta, ngi ioh bording tang 42 MW na Leshka bad 21 MW na Umtru namar ka jinghap maramot ia ki kor ki bor bad don ruh ki Unit ki ba khlem treikam, kiba dang maramot mynta bad ngi la pyrshang katba lah ban pyndep kloi ia ki” ula bynrap.

Haba pyntip ba ula shong bishar ia ka jinglong jingman mynta, u Conrad ula ong ba ka Sorkar Jylla ka dang pyrshang ban pynbeit thikna ia ka por pynlip bording bad dang pyrshang ruh kumno ban pynduna ia ka jingpynlip bording kaba la buh ia ki paidbah ha ka jingeh namar ki don ki jaka ba ka jingpynlip bording ka long haduh 3 kynta eiei.

“Ha kine ki shitaiew haduh artaiew, ngi khmih lynti ba katto katne ki unit kin treikam biang bad lada kane ka urlong, ngi khmih lynti ban duna noh ka jingpynlip bording” ula ong.

U Myntri Rangbah ula kyntu ruh ia ki paidbah ba kin iai shah bad ka Sorkar, kaba la pyrshang kat kaba lah ban pynduna ia ka jingeh kaba wan hap ha ki nongshongshnong ka Jylla.

Share post:

spot_img
spot_img

Popular

More like this
Related

Mizoram | Shah kem u Coach Boxing ba jrong kti khlem akor ia 4 ngut ki kynthei ha Aizawl

Aizawl, Naitung 11: U Lathlengliana uba dei u Coach...

Assam | Kem ki Pulit ia 4 ngut ki doktor jakoid na kylleng ka Jylla

Guwahati, Naitung 11: Kum shi bynta ban pynduh jait...

Wanrah ka Samla Refiness da u maw ban pynsahnam ia ka jingkiew lum Everest | Aiti sha ka Tnad DMR

Shillong, Naitung 11: Ka samla Rifiness Warjri kala aiti...

Wan iuhkjat ka Myntri Pla Tyngka ha Jylla | Iakynduh ia ki kynhun ban iakren halor ka PMIS

Shillong Naitung 11: Ka Myntri ka Sorkar Pdeng kaba...