Shillong, Risaw 26: Hadien katto katne kynta ba shah kerkut ha ki samla pule, u Vice Chancellor (VC) NEHU ula wan mih shabar ka ‘U Kiang Nangbah Guest House’ ban iakren iaki mat jingdawa jong ki samla pule.
Ka jingiania kala mih hapdeng u VC bad ki samla pule kiba la jer iaki jingdawa kynthup ka jingdawa wengkam ia u Rohit Prasad, uba la shah thung kum u Technical Consultant ka NEHU.
Haba pyrshang ban pynshai iaka jingthungkam ia u Rohit Prasad, u VC ula kubur ba kam shym la don ka jingpynbna (Advertise) iaka Post Technical Consultant namar ia kane ka rai la shim hi daka Executive Council ka NEHU.
Halor ka jingdawa pynbiang iaki jingdonkam ha Hostel, kum ka bam, ki dawai bad Wifi, u VC ula kular ban thaw daka Mess Committee ban pynbiang iaki jingduna hapoh ka Hostel.
U VC ula kular ruh ba ia kine ki jingdonkam baroh yn sa lah ban pynurlong lut hapoh u bnai Kyllalyngkot 2024.
Haba iadei bad ka jingdawa ban buh iaka Library, u VC ula iathuh ba ia kane ka mat jingdawa la dep ban bishar la slem bha bad la shem ba ka School of Technology (SOT) kam don jaka ban tei iaka Library thymmai kumta ula kular ba yn wad da kiwei ki lad ban pynbiang iaka Library.
Pule lang ia kane: Assam: Yn iakynduh ki 12 tylli ki Seng ka Liang Pyrshah ban iakhun ia ka BJP ha ka Elekshon Lok Sabha
Peit lang ia kane
