Shillong, Naiwieng 08: U Nongialam ka seng BJP u Bah AL Hek ula ong, ba lada lap ia ki sabut ba ka don ka jingbamsap, ka Sorkar Pdeng bad ka Sorkar Jylla kan hap ban leh da kaba tyngeh pyrshah iaka Dhar Construction halor ka jingkynnoh shna torti ia ka surok NH-206.
Dang shen ka Joint Action Committee jong ka War Jaintia kala byrngem ban leit ujor sha ïingbishar pyrshah ia ka Dhar Company kaba shna iaka National Highway (NH-206) ha ka jinglut jingsep kaba kot haduh T.43 klur tam, hynrei kane ka surok tang hadien 2 bnai kala da jot rathai noh.
Ka surok NH-206 ka dei kaba sdang na Jowai marjan ka surok NH-106 bad ka iaid lyngba sha Dawki bad kut pat ha Mylliem. Ka dei ruh shibynta jong ka surok Shillong-Sylhet.
U Bah AL Hek ula ong, “ba lada lah ban pynshisha lyngba ki sabut kiba biang ia ka jingdonkti ha ki kam bamsap, ka sorkar pdeng bad ka sorkar jylla kadei ban leh da kaba tyngeh pyrshah ia katei ka kompani”
Haba kylli la kan poi ruh shaduh u pud ban ‘Blacklist’ ia katei ka kompani, u Bah Hek ula ong ba lada lah ban pynshisha ba ki donkti ha ka kam bamsap kumta kan sa wan hi.
Haba kylli la dang donkam shuh ia ka sabut haba la pynpaw ha ka RTI, u Bah Hek ula ong, “Ngam pat iohi ia kata ka kaiphod jong ka RTI, pyni shwa ia nga, nangta ngan sa ngeit ia phi”
U Bah Hek ula ong ruh ba ym lah ban pdiang ia kum katei ka rukom treikam jong kompani bad ka sorkar kan sa shim iala ka rai.
Pule lang ia kane: Kem ki Pulit ia ka Kynhun Nongrahbor ia ki nongniah kali kit jhur ban ioh lute pisa na ki Trai
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
