Itanagar, Risaw 05 : Uwei u Pilot ula iap hashen bad uwei pat ula mynsaw jur haba ka cheetah helicopter jong ki shipai kala hap hajan Tawang, Arunachal Pradesh hynne ka sngi Balang, ong ka khubor na ki shipai.
U Nongaiktien ki shipai, u Lt Col Mahendra Rawat ula ong ba kane ka helicopter kala hap ha ka por 10 baje mynstep kaba la wanrah ia ka jingmynsaw ia baroh arngut ki Pilot.
Ia kine ki Pilot la kit noh sha Military Hospital hynrei uwei napdeng jong ki, uba la mynsaw jur bha, ula khlad noh hapdeng ka jingsumar. Uwei pat u Pilot u dang don hapdeng ka jingsumar. La pyntip ba haduh mynta ym pat lah ban tip ia ki daw kala pynlong ia kane ka helicopter ba kan hap hynrei ka jingtohkit mynta kala iaid shakhmat.
