Shillong, Rymphang 23: U Myntri Rangbah ka Jylla u Conrad K Sangma ha ka sngi Nyngkong, ula pyntip ban bujli noh ia palat 76,957 tylli ki Post Electrik ha kylleng jong ka jylla Meghalaya hapoh ka Revamped Distribution Sector Scheme (RDSS).
“Ka jingpynlip ia ka bording kam dei satia ka Load-Shedding ne ka jingpynlip bording bala buh da ka por….ki dei ki post elektrik kiba la kem sarang, palat 1,000 tylli ki Transformers kiba la tlot bor bad kiba la rim bha. Ki don ki waiar kiba la don palat ia ka 30 snem” ong u Conrad Sangma haba jubab halor ka jingiatai ia ka Governor’s Address.
Ula batai ba ka Tnad ka hap ban pynlip ka bording haba bujli ia ki post elektrik, waiar bad ki Transformer.
“Baroh kine ki jingthud kam dei satia ba pyntreikam ia ka Load-Shedding hynrei kadei namar ka jingdonkam ban pyntreikam ia ki projek” ula ong.
Ula bynrap ba ka tnad bad ka MeECL kan sa pynbna bad pyntip lypa ia ka jingpynlip ia ka bording bad kane ka jingleh kadei da ka jingthmu ban ban pynbha ia ka jingsam ia ka bording.
.){kind=link}