Haduh 6 sien bat ka skul OM Roy kum ka Champion ka phutbol Inter School ka FKJGP

Date:

Share post:

Shillong, Jylliew: Ka skul O.M Roy Memorial Higher Secondary School, Mawlai, kala ioh bat haduh 6 sien kynthik kum ka Champion ne ka lahduh jong ka lympung ialehkai phutbol Inter School bala pynlong da ka FKJGP-Mawlai Circle.

Kane ka nam lahduh ba hynriew kala wan ha ka sngi thohdieng ka 10 tarik Jylliew da ka jingpynliem ia ka skul Christ Church Higher Secondary School, Mawlai ha ka jingialehkai phainal ba long ha madan Heh Stadium.

Ka skul ON Roy kala pynliem ia ka skul Christchruch da 3-1 kol ha ka jingialehkai kaba shongsit bad ba sawa tang da ki jingrisa jongki khynnah skul na baroh arliang.

U President ka FKJGP uba dang aiti ia ka trophy sha ki Khynnah ka Skul Christ Church kiba la wan ba-ar.

Ka skul O.M.Roy kaba ioh bat la bunsien ia ka nam lahduh jongka  Sobroto Cup, ka dei kaba la jop bunsien eh ha kane ka lympung ialehkai bala pyniaid da ka FKJGP-Mawlai Circle kaba la iaid mynta ha ka sien kaba phra.

Ka jingbym jop jong ka skul OM Roy ia ki artylli ki samoi ialehkai ka dei tang namar ka jingshah sospon haduh arsnem ha ki bor pyniaid namar ka jinglap ba ka wan ialam ia ki rang ialehkai kiba na bar-kiba dei na ka Sports Authority of India (SAI). Kane kala jia hapdeng u snem 2016 bad 2017.

Kiwei ki sku kiba la jop ia kane ka lympung ialehkai jong ka FKJGP ki kynthup ia ka Jaiaw Presbyterian School kaba la long ka lahduh ha u snem 2016 bad ka Mawlai Presbyterian, Iewrynghep kaba la jop ha u snem 2017.

Ha kane ka samoi ialehkai ba mynta, haduh 14 tylli ki skul kila wan iashimbynta ba kynthup ia ki skul na Mawlai bad na ki jaka kiba marjan kum na Jaiaw, MAwkhar bad kiwei kiwei. 

Ia kane ka phainal jong ka lympung la pynshongkun da ka jingiadon ryngkat u MLA ka Mawlai Bah PT Sawkmie kum u Kongsan, u President ka FKJGP Sengkmie Bah Wellbirth Rani, u General Secretary Bah Eldie N Lyngdoh bad kiwei kiwei.

Hashuwa kane ka phainal, ki bor pyniaid kila pynlong ia ka jingialehkai paralok hapdeng ki nongkitkam jong ka FKJGP-Mawlai Circle pyrshah ia ka FKJGP Sengkmie bad ka FKJGP Sengkmie kala jop da 3-0 kol.

Share post:

spot_img

Popular

More like this
Related

Hukum ka Iingkashari ia ka Sorkar ban bud ia ki kyndon ban wanrah jingkhuid ha pung Umiam

Shillong, Rymphang 24 : Ka Iingkashari Meghalaya High Court...

Govt to issue notification on age limits for jobs soon

SHILLONG, FEB 26: Chief Minister Conrad K Sangma on...

Shen yn pynmih jingpynbna ka Sorkar halor u pud rta ioh kam

Shillong, Rymphang 26 : U Myntri Rangbah ka Jylla...

Yn pynlong jingiakhih ki ar seng namar ka jingslem ban pynmih ia ka resol DSC

Nongpoh, Rymphang 26: Ka Ri Bhoi People’s Council (RBPC)...