Shillong, Nailur 26 : Ka Rangdajied United FC ka la pynliem haduh 4-2 kol ban pynliem ia ka Ryntih FC ha ka jingiakhun ba khatduh jong ka Shillong Premier League kaba long hynne ka sngi ha madan Third Ground Polo.
Ia ki saw tylli ki kol jong jong ka Rangdajied United la ioh ban thep da u Donboklang Lyngdoh uba ioh ban thep ar kol ha ka minit kaba 45 bad 58 minit nangta u Niawkorlang Khyndiah ha ka minit ba 50 bad ia ka kol kaba saw la ioh ban thep da u Wansiewdor Nengnong ha ka minit kaba 83 jong ka kylla miet
Ia ki kol jong ka Ryntih pat ha kane ka sngi la ioh ban thep da u Ebormi Buam tang ha ka minit kaba 25 jong ka kylla step katba ia ka kol kaba ar pat da u Sheen Sohktung ha ka minit kaba 64 jong ka kylla miet.
Da katei ka jingjop ka Rangdajied ka ïoh mynta ban don ha ka kyrdan kaba 2 ha ka miej iakhein point hadien ha Mawlai kaba lamkhmat ha ka kyrdan ba nyngkong.
Ka jingiakhun kaba khatduh hapdeng ka Langsning bad ka Mawlai SC kan long ha ka 30 tarik mynta u bnai ha ka por 3:00 baje janmiet.
