Shillong, Nohprah 21: Ki paidbah ki dang iai bteng ban iohi ia ka drone Bayraktar TB2 unmanned aerial vehicles (UAVs) jong ki shipai Bangladesh ha khappud ka Jylla Meghalaya bad mynta ka kynti la ioh khubor ba kane ka jingwan pynher drone kala jia sha ha ki jaka khappud ka South West Khasi Hills District.
Haba pynthikna ia kane, uwei u Heh Pulit ula pyntip ba ki paidbah ym tang na Mawkyrwat, Shelle bad Sohra hynrei wat na kine ki jaka khappud ka Jylla kum ha Dalu, Mahendraganj, Rongara (ha Ri-lum Garo) kila pyyntip ba kila iohi ia ka kynja tiar ba her kaba meh bording-hateng hateng ki meh rong jyrngam bad hateng hateng ki meh rong saw, kiba her ha suin.
Kat kum ka jingong jong u, kine ki UAV ki dei kiba her jngai bha bad kam long kaba suk ban iohi da ki khmat bad kumta, ym don ba lah ban batai shai kumno ba ki long.
Ki nongshongshnong ha Khappud kila sub aba kine ki drone kila her tang katto katne minit ha ka thain bad hadien kila shu jah rngai noh ha suin.
Halor kine ki jingjia, na ka liang ka Sorkar Jylla kala dep phah jingtip sha ka Sorkar Pdeng ba kan leh eiei.
 jong ki shipai Bangladesh ha khappud ka Jylla Meghalaya bad mynta ka kynti la ioh khubor ba kane ka jingwan pynher drone kala jia sha ha ki jaka khappud ka South West Khasi Hills District.){kind=link}