Aizawl, Naitung 31 : Hadien ka jingbthah jong ka Ministry of Home Affairs (MHA), ka Sorkar Mizoram kala sdang ia ka jinglum bad pynrung kyrteng biometric ia ki nong Myanmar kiba sah ha Mizoram naduh u bnai Rymphang 2021.
Kumba 35,000 ngut ki nong Myanmar kynthup ki Khynnah bad Kynthei, kila shong riehtngen ha Mizoram naduh u Rymphang 2021, hadien ba knieh jynthet ki shipai ka Myanmar ia ka bor synshar ha Myanmar.
Ka Sorkar Manipur ruh halor ka jingbthah jong ka MHA, ha ka sngi saitjain kala sdang ban lum bad pynrung kyrteng biometric ia ki nong Myanmar kiba wanrung shapoh ka Jylla bad la buh ban pyndep ia kane ka kam hapoh u bnai Nailur.
Kat kum ka khubor, ka jingpynrung kyrteng biometric ia ki nong Myanmar kala sdang ha baroh ki 11 tylli ki District ka Manipur ha kine ki khyndiat sngi bala leit noh.
U Myntri Rangbah ka Mizoram Zoramthanga bad ki arngut ki MP ka Lok sabha C Lalrosanga bad K Vanlalvena jong ka Rajya Saja kila kyrpad la bunsien ia ka Sorkar Pdeng kynthup u Myntri Rangduh ka Ri Narendra Modi ban ithuh ia ki nong Myanmar kum ki poiwir lane ki nongwan shangkai bad ban ai ka song pisa ban iarap ia kine ki briew.
Pule lang ia kane: Aiti ki MP ka I.N.D.I.A iaka dorkhas sha ka Lat ka Jylla Manipur ban wanrah noh ia ka jingsuk
