Shillong, Rymphang 26: Ka United Democratic Party (UDP) kan shong jingialang hadien ba kut ka dorbar mang tyngka ban shim ia ka rai halor ki ar tylli ki elekshon– ka elekshon Garo Hills Autonomous District Council bad ka bye-election ha Shillong parliamentary constituency, namar ka jingkhlad noh u MP uba dei na ka VPP Dr Ricky AJ Syngkon.
Haba kren sha ki nongthoh khubor ha ka sngi Palei, u President ka party UDP Bah Metbah Lyngdoh u la ong, “Kumba ka long mynta, ngim pat iakren eiei ha ka party, kumta ka party ka hap ban shong shwa… Hadien ka dorbar, thikna ba ngin sa ia kren kum ka party halor ka MP bye-election.”
Ha kaba iadei bad ka election GHADC, u Bah Metbah Lyngdoh u la bynrap,”Na ka bynta kane ruh, ngi la bunkam palat ha ka dorbar mang tyngka. Kumta hadien ka dorbar, lehse ha ka taiew ban wan shwa ka 10 tarik, ngin sa pyrshang (ban shim ia ka rai). Ngin sa iakynduh shwa bad ngin sa shim ia ka rai.”
Une u Nongïalam ka UDP u la pynshai ba ki nongïalam ka party na Garo Hills kin sa ïakynduh ban bishar bniah ïa ka kaei kaba bha tam na ka bynta ka elekshon GHADC ha u snem 2026.
“Ngi la shaniah ha ki nongialam ka party jong ngi kiba peit ia ka thain Garo Hills baroh kawei ba kin shong ban ia kren, bad ynda la kut ka dorbar Assembly, ngin sa iakynduh ia ki bad pan jingmut na ki la ngin iakhun ne em ia ka elekshon,” u la ong.
 kan shong jingialang hadien ba kut ka dorbar mang tyngka ban shim ia ka rai halor ki ar tylli ki elekshon– ka elekshon Garo Hills Autonomous District Council bad ka bye-election ha Shillong parliamentary constituency, namar ka jingkhlad noh u MP uba dei na ka VPP Dr Ricky AJ Syngkon.){kind=link}