Nongpoh, Lber 09: Da ka jingtreishitom kaba la neh kumba saw snem eiei, ki pulit ka Ri Bhoi District ki la ioh ban kem biang ia u wei u koidi ba la lait phet da ka jingiarap ki pulit na ka jylla Kerela.
Kumba la iathuh da ki pulit, la ong ba ia u tei u koidi ba la ioh kem biang hadien saw snem tam la ithuh kyrteng kum u Ranjan Borgohain na Dibrugarh Assam u ba la shah kem ha ki pulit ka Khanapara ha u snem 2020 halor ki kam tuh bad la register mukotduma ruh katkum ka Case No. 52(11)2020 u/s 381 IPC.
La pyntip ruh ba dei ha ka 20 tarik Naiwieng 2020, u ne u koidi u la ioh ban phet krad na ki bor ka ain, bad u la jah naduh u tei u snem.
D ka jingiai bteng ban tohkit ban lapdien ia u, ki pulit ki la ioh jingtip ba une u runar u la riehtngen ha ka jylla Kerela bad trei ruh ha kawei ka karkhana.
Ki pulit ka Ri Bhoi District ki la pan jingiarap ban kem ia u na ki pulit ka Ernakulam District Police, Kerala.
Shuh shuh ruh la pyntip, ba ki pulit ka Kerela ki la kem ia u tei u koidi ha ka 7 tarik Lber 2025 bad ban aiti pat sha ki pulit ka Ri Bhoi District na bynta ban bteng ia ka jingtohkit.
