Shillong Risaw 19: U Myntri kam Jngohkai ka jylla Bah Paul Lyngdoh hynne ka sngi Palei, ula pyntip ba ki kam ki jam halor ka jingpyntrei ia ka Ropeway kala iaid shaid shaid bad hapoh u Nohprah yn sa khotnoh iaka Expression Of Interest (EOI).
“Ki kam ki jam kila iaid shakhmat bad ka jingeh kaba la mad khatduh eh ka dei na ka tnad Forest kaba la ai ia ka jingbit mynta. Kaba sah mynta ka dei ka jingkhot noh ia ka Expression Of Interest (EOI) ka ban leh ha u Nohprah” ong u Bah Paul.
Haba kylli hato kan don ka jingkiew ha ka jingbhah tyngka na ka bynta kane ka projek namar ba kala don ka jingslem, u Myntri Sorkar ula ong ba ym iohi satia ba kan don kum katei, hynrei lada ka don ruh ngin sa shimkhia.
Lah ban ong ba ka sorkar jylla kala don iaka jingthmu ban sdang noh iaka Shillong Ropeway project ha ka jinglut jingsep kaba kot T. 140 Klur kaban bei tyngka da ka Asian Development Bank.
Ka jingthmu ban buh ia kane ka Ropeway ka long ban khring ia ki nongwan jngohkai bad ka kam jngohkai kan kylla long kum ka lad ban aikam aijam ia ki paidbah ka jylla.
Pule lang ia kane: ‘Ki samla ki dei ka spah ka Jylla’, kut jingmut u CM ban phaikhmat ka Sorkar sha ka lawei ki samla
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
