Shillong, Risaw 17 : Ka Sorar Jylla kala pyntip ba ka jingshna ia ka Shillong Ropeway project kan sa sdang noh ha ki pdeng taiew jong u bnai Naiwieng.
Haba pyntip ia kane ha ka sngi Palei, u Myntri ka tnad jngohkai bad Paul Lyngdoh ula ong “ Shibun ki kam kila iaid shakhmat jong ka Shillong Ropeway Project bad ka kam ban pyntrei ka dei ban sdang noh ha ki pdeng taiew jong u Naiwieng mynta u snem”.
U Myntri ula pyntip ba kam shym la don satia ka jingpynheh ia ka mang tyngka bala mang ia ka project kaba long T.175 klur.
Haba kylli, u Myntri ula ong “Ia mynta, ngi la don ha ka khep ban plie ia artylli ki tender-kawei ka technical bad kawei pat ka Financial. La pyntip sha nga ba ki don lai tylli ki kompani kiba thep tender ia kane ka project”.
