Nongpoh, Kyllalyngkot 19: Ka Raid Marwet kala pyndep hynne ka sngi Thohdieng ia ka lehniam Sohjer da ka knia ka khriam bad ka jingduwai phirat kaba la pynlong ha Baridua, Ri-Bhoi District.
Ia kane ka jingleh niam la lamkhmat da u Syiem ka Raid Marwet, u Pa’iem Ken Syiem lem bad ki Longsan , Lyngdoh, Pator bad kiwei kiwei.
Ha kane ka sngi la sakhi ruh da ka jingiadon ryngkat ruh u bah Nathaniel Thangkhiew, Basan Nongkseh ka Hima Mylliem, u Syiem ka Raid Marngar, u Jeremy Lyngdoh, Pa’iem Richard Syiem, ki Myntri ka Hima Mylliem, ki Longsan Mansan, Lyngdoh bad Pator ka Raid Marwet nalor kiwei kiwei de ryngkat ki khun ki hajar ka Raid Marwet.
Hakane ka sngi la pyndep iaka jing knia ha ryngkat ka shuid ka shor kaba la pyndep kat kum ka jinghikai u men barim ban pyneh la ka tynrai bad ban nguh ban dem ia u trai nongbuh nong thaw u ba la ri sumar bad u ba la ai ka jing sei soh haka khyndew ka raid bad ki ba la buh da ka jing duwai naka bynta ka ka jing sei soh bad ka bha ka miat jong u khun u hajar ka raid .
Hadien ba la dep knia daka ba suid iaka um luta bad ka jhur kpu la bud pat sa ka jing ia dih ia ka ka yad um kum ka Dak ban ai nguh ia u nongbuh nong thaw bad ki men barim ban ioh ka jing kyrkhuh kyrdoh na ki
Hadien ba la dep iaka knia ka Khriam naka liang jong ka sohjer committee lyngba u Lyngdoh raid U Jeremy Lyngdoh ka la ai iaka jing sngew nguh iaki long san ,ki basan jong ka Hima Mylliem bad ia jong ka raid ki ba la ai ka jing kyrshan haduh ban da urlong ka shad sohjer ka ba ju long man ka 17 tarik jong bnai Kylla Lyngkot man u snem hapoh Raid Marwet
Naka liang u paiem Ken Syiem u la kyrpad sha ka sorkar Jylla ba kan noh jing iarap lem iakum kine ki jing leh niam ki ba la ithuh paidbah haka Jylla ki ba ju pynlong Ha man la ki Raid bad ki hima Jong ka jylla khnang ba kan iarap ban bei tyngka lem khang ba ka jing leh niam ka iaid ha ka rukom ka ba dei ba ka ba iphuh i phieng
