Shillong, Naitung 17 : Ka Sorkar Jylla kan wanrah ia ka resolution ba pyrshah ia ka jingtih uranium ha Jylla ha ka Dorbar Synrai jong ka Iingdorbar Thaw Ain ka Jylla, ka ban long ha u bnai Nailar, ong u Myntri Rangbah Conrad K Sangma ha ka sngi Thohdieng.
Haba kren sha ki lad pathai khubor, u Conrad ula pynpaw ba ka Iingdorbar kan hap ban iakynduh hashuwa ka 27 tarik Nailar ban pyndep ia kaei kaba la buh da ka Riti Synshar ka Ri kaba long hynriew bnai hapdeng artylli ki dorbar.
“Hooid, ia ka resolution yn sa wanrah ha ka Dorbar ban wan jong ka Iingdorbar Thaw Ain, ka ban long ha u Nailar. Ka 27 tarik Nailar ka dei ka sngi hashuwa jong ka Dorbar kaba hap ban pynlong” ula ong.
U Conrad ula ong ba ha kane ka dorbar Synrai jong ka Iingdorbar, ka Sorkar kan sa wanrah ia ka resolution.
