Guwahati, Nohprah 17 : Ia u slasha ba kyrpang napoh Dibrugarh district ka Assam la lah ban pyniaid iew ha ka dor T.1.15 lak shi kilo ha ka iew die lilam ba shimet ha ka 16 tarik mynta u bnai, ong u trai jong ka kompeni kaba pynmih ia une u slasha.
Ia une u slasha ba la tip kum u Manohari Gold Tea’ la lah ban pyniaid iew ha ka jaka iew lilam ba shimet lyngba ka portal Tea Inntech.Kane ka dei ka dor kaba heh tam ha kiba kum kine ki jaka iew sha kino kino ki jaka.Ia une u slasha ba kyrpang la thied da ka kompeni RK Tea Sales, ong u Rajan Lohia na ka Manohari Tea Estate.
U slasha Manohari khamtam namar ka rong kaba stem ka jong u kala lah ban khring ha ka dor kaba heh mynta la bun bun snem.
Ia une u slasha Manohari Gold la die ha ka dor T. 99,999 shi kilo sha ka kompeni GTAC ha u bnai Nohprah 2021.Kham hashwa, kata ha u bnai Jylliew mynta ka snem, ia u slasha Pabhojan Gold Tea uba dei u jait slasha uba kham pher napoh Golaghat district ka Assam la lah ban die ha ka dor T.1 lak shi kilo ha ka iew lilam hapoh Jorhat. Na ka liang u heh jong ka Jorhat Tea Auction Centre (JTAC) ula ong ba ia une u slasha la pyniaid iew da ka Pabhojan Organic Tea Estate.
