Nongpoh, Jymmang 20: Ka Board of Control for cricket in India( BCCI) haka 19 tarik, Jymmang, kala plie paidbah ïaki 6 tylli ki Indoor Cricket Training Facility naka bynta ki 6 tylli ki jylla jong ka North East kaba kynthup ïaka jylla Meghalaya.
Ia kine ki madan Indoor la plie da u President ka BCCI Roger Binny bad u Honorary Secretary u Jay Shah.
Ka Meghalaya Cricket Association MCA, hynne ka sngi Nyngkong, ka la buh ia u mawnongrim ban tei ïakane ka madan Indoor ha Madan Kurkalang, Bhoirymbong.
Ha katei ka Indoor Cricket Facility kin don ruh ïa saw tylli ki pitch ialehkai cricket, ka Swimming Pool, dress room bad kiwei kiwei bad la buh por ban pyndep ia kane ka madan ha u bnai Nailar 2024.
Ka MCA kan shim khia ruh ban wad ia ki lad ki lynti na ka bynta ban pynbit pynbiang ia ki jingdokam ki samla na ka bynta ban pyntbit ha ka kam ialehkai Cricket hapoh ka jylla.
Ha kane ka sngi buh ïa u mawnongrim la ïa don lang naduh u President ka Meghalaya Cricket Association (MCA) u Naba Bhattacharjee, u bah Gedion Kharkongngor, Honorary Secretary MCA, u Rayonald Kharkamni Vice President, ka kong Silbi Passah, Padmashari awardee, u rangbah shnong ka Lumdaitkhla, u Bah S.T Rympeit, ki nongialam ka MCA bad ki nongialam ka Ri Bhoi District Cricket Association.
Haba kren ha katei ka jingïalang, u President ka MCA Naba Bhattacharjee u la ïathuh ba ka Meghalaya Cricket Association ka don ka jingthmu ban kyntiew shuh shuh ïaka kam ïalehkai cricket hapoh ka jylla.
Ka MCA ka don ïaka thong ban pynpoi ïaki rang bad ki thei ïalehkai shaduh ki kyrdan kiba shalor.
Ka MCA ka ai khublei kyrpang ïaka Sorkar Jylla, ka BCCI bad kumjuh ïaka Ribhoi District Cricket Association, kaba pyn urlong ïa kane ka jingthmu lyngba ka jingiatrei lang khhamtam eh ka Dorbar Shnong Lum-daitkhla kaba la ai sngewbha ïaka Madan ban ïoh tei ïa katei ka Indoor cricket Facility.
 haka 19 tarik, Jymmang, kala plie paidbah ïaki 6 tylli ki Indoor Cricket Facility naka bynta ki 6 tylli ki jylla jong ka North East kaba kynthup ïaka jylla Meghalaya.){kind=link}