Jowai, Oct 2: Kum shi bynta jong ka jingrakhe ia ka Gandhi Jayanti, ki bor pyniaid District ryngkat bad ka Jowai Municipal Board, Dorbar Shnong Tympang Iawmusiang, Jowai Traders Association, Market Committee CNI Market, Jowai Presbyterian Iawchyiap bad Seinraij Jowai, kila pynlong ia ka jingpynkhuid shnong hapoh jongka Swachhata Hi Seva ha ki iew bad kylleng ki bynta jong ka Jowai hynne ka Lah sngi u Blei.
Ki nongshong shnong ka Iawmusiang, Moosalyngkat, ki nongdie jingdie kila iashimbynta ha ka jingpynkhuid ia ka iew ka hat ky thup ia ka CNI Market, Seinraij Market, Jowai Presbyterian (Iaw chyiap) Market bad ki jaka kiba marjan.
Ia kane ka jingpynkhuid la ialam da Additional Deputy Commissioner Dahunlang V. Lyngdoh, MCS.
Hashwa kanr la pynlong ia ka jingialang ha kaba ka Jowai Traders Association (JTA) kala pynkup burom ia ki nongtrei sorkar kiba kynthup ia u SDO MeECL E. Pohshna, u Traffic Incharge Rocky M Umlong bad u Executive Officer Jowai Municipal S. Amse halor ka jingnoh synniang ka jongki kaba man la ka sngi ia ka imlang sahlang.
La sam ruh ia ki Certificates sha ki nongiashimbynta ha ka Swachhathi Hi Seva Week, kaba la sdang ha ka 15 tarik u Nailur bad kut noh hynne ka sngi kaba la pynlong da ka Jowai Municipal.
Bun tylli ki shnong kiba don ha Jowai kila wan ban iashimbynta ha katei ka jingpynkhuid shnong.
