Nongstoiñ, Rymphang 3: San ngut ki kyrtong na ki ar tylli ki Constituency jong ka West Khasi Hills, ki la pyndep ia ka jingthep kyrteng hynne ka sngi thohdieng kum ki kyrtong ban mih iakhun ha ka elekshon MLA-2023 ka ban long ha ka 27 tarik mynta u bnai.
Arngut na kine ki kyrtong ki dei jong ka NPP ba kynthup ia u MLA ka Rambrai-Jyrngam Bah Kimfa S Marbaniang, MLA ka Nongstoin Bah Macmillan Byrsat.
Arngut ki dei ki kyrtong ka Congres kata u MDC ka Nongstoin Bah Gabriel Wahlang (Nongstoin) bad u Bah Goldenstar Nonglong ban iakhun na Rambrai-Jyrngam. Uwei pat u dei u kyrtong shimet u RG Momin u ban iakhun na Rambrai-Jyrngam.
Tad haduh hynne ka sngi, ki kyrtong kiba la pyndep thep kyrteng ki long 6 ngut naduh ka sngi ba la sdang ka jingthep kyrteng.
Kitei ki san ngut ki kyrtong haba ïakren bad ki lad pathai khubor hadien ba ki la pyndep ban thep kyrteng, ki la ong ba ki don ka jingkyrmen kaba skhem ba kin poi sha ka thong ha kane ka election ban wan.
