Shillong, K’lyngkot 23 : Shillong, K’lyngkot 23 : Ka National People’s Party (NPP) hynne ka sngi nyngkong, kala sdang ia ka jingialap elekshon jied Nongmihkhmat sha ka Iingdorbar Meghalaya Legisltaive Assembly-2023 na ka sor Chenangre (Adokgre) kaba hap hapoh ka Kharkutta, North Garo Hills.
Adokgre was called ‘Chenanggre’ or ‘Land of Victory’ by my late Father and as we stand together in Adokgre for the National People’s Party, we will ensure 2023 will be the people’s victory. We pledge to represent you & to take our State further in its growth journey. pic.twitter.com/VNftvBfeg8
— Conrad K Sangma (@SangmaConrad) January 23, 2023
Ka Chenangne, ka kyrteng bala ai sha ka Adokgre da u (L) Purno A Sangma, kaba lut “Land of Victory” (ka jaka jongka jingjop). Ka Chenangre ka long kongsan bha iaka NPP namar u PA Sangma u jus dang iaka jingialap elekshon na kane ka jaka.
Kane ka rally ialap elekshon ka long kyrpang ha kiba bun ki liang namar kane ka prokram ka pynkynmaw biang ia ka jingim jong u PA Sangma da ka jingpyni paidbah ia ka jingkren u PA Sangma lyngba ka video, kaba uka kren halor ka jingsngew sarong ban long u A’chik.
Ha kane ka rally la tem ruh ia kawei ka jingrwai ba sngewtynnad eh u PA Sangma- Oh Ang Aman Asong, kaba long kum ka Anthem jong ki paidbah ka Ri-lum Garo. Ki paidbah kiba don palat 20000 ngut kila iashimbynta lang ha kaban rwai ia kane ka anthem.
Ia kane ka rally la pynlong ha ka Stadium ba dang shu plies hen ha Chhenangre. Kane ka stadium ka dei kaba la kular la slem sha ki paidbah ka Adokgre da u PA Sangma. Ha ka por jong u, ula ai katto katne ka pisa ban tei ia ka rostrum. Hynrei u Myntri Rangbah Conrad K Sangma ula pynthikna ha kaban pyndep ia kane ka stadium, ban pynurlong ia ka jingphohsniew jong u Kpa bad ki paidbah ka Adokgre.
Haba kren sha ki paidbah, u Conrad ula pynkynmaw ia ka jingiohi jngai jong u Kpa (L) PA Sangma ban ialam shakhmat ia ka Meghalaya bad kumno ka NPP kala pyntyllun ia ki matti jong u bad pynurlong ia ki kam jong u ba dang sahteng. Ula kren halor ka NPP bad ka kam ba ka party kala trei ha kine ki san snem ha Meghalaya bad kumno kan iai bteng ban pynrulong ia ka jingphohsniew u PA Sangma.
Une u Nongialam ka NPP ula kyntu ia ki paidbah ka Ri-lum Garo ban kynmaw ia ki matti jong u (L) PA Sangma bad ban vote ia ka NPP.
“Ki paidbah ka Ri-lum Garo ki dei ban kynmaw ia u (L) P A Sangma bad vote ia ka NPP. Ngi la iasoh lut sha ka NPP ban nang pyntyllyn shakhmat ia ki dienjat jong u. Ula khmih ia ngi na Bneng” ong u Bah Prestone Tynsong, Symbud Myntri Rangbah ka Jylla uba dei ruh u National Vice President ka NPP.
Nalor ki paidbah ba palat 20000 ngut, kiba bun ki riewpawkhmat bad nongialam bala rangbah ka NPP, kila iadonlang ha kane ka rally ba kynthup ia u Symbud Myntri Rangbah Bah Prestone Tynsong, Symbud Lamphang Timothy D Shira, Myntri Sorkar James K Sangma bad ruh ki dkhot ba dang shu rung thymmai ba kynthup ia I Kong Amapreen Lyngdoh, Mohindro Rapsang, Kimfa Marbaniang nalor kiwei kiwei.
