Shillong, Naiwieng 03: U samla ba shu bylla sngi ba tip kyrteng kum u samla Wankitkupar Kharumunuid hynne ka sngi u la pynbna ban iakhun kum u kyrtong shimet haka ilekshon 2023 napoh Nongthymmai konstitwensi.
Haba kren sha ki lad pathai khubor u samla Wankitkupar u la iathuh ba u dang pynkhreh ban mih sha ka rynsan ban iakhun ia ka ilekshon sha ka Iing Dorbar Thawain ka jylla kaban long ha u 2023 namar u don ka thong ban kyntiew iaki lad jingsumar hapoh ka jylla.
“Ka jingthmu jong ngan ban mih ban iakhun ia ka ilekshon 2023 kum u kyrtong shimet kadei naka bynta ban wanrah ia ka jingkylla hapoh ka konstiwensi jong u khamtam ha ka liang ka koit ka khiah” la ong u samla Wankitkupar.
U samla Wankitkupar u la ong ba kane ka rai jong u ban iakhun iaka ilekshon kadei namar la konstitwensi bad ka jylla baroh kawei ka dang duna bha watla ka jylla Meghalaya kala kynjoh sha ka 50 snem.
U la ong ba lada u shah jied kum u MLA, un trei ban pynleit jingmut ban wanrah bad ban pynbiang shwa ia ka koit ka khiah daka ba wanrah jingkylla ha ki bynta ki lad jingsumar namar kum u nongbylla u la iohi bad u la mad bun ki jingeh ba ki paidbah ki mad namar ka jingbym biang ki lad jingsumar.
“Kum uwei na ki nongbylla, nga kyntu ia ki paidbah ba kim dei ban biej ha ka Pisa haba jied ia ki nongmihkhmat hynrei dei ban jied ia ki nongmihkhmat kiba biang bad kiba lah ban ai ka jingshakri ba pura sha ki paidbah” u la ong.
