Shillong Nohprah 12: Ka VPP ha ka Lah Sngi u Blei kala pynbna iaka kyrteng jong ki 14 ngut ki kyrtong kiban iakhun iaka elekshon MLA 2023 ha ka jylla.
U Chairman ka State Election Committe jong ka VPP u Dr K Chen ula ong ki 14 ngut ki kyrtong ki kynthup ia u Bah Damewanhi L Rymbai na Khliehriat, Dr Ricky AJ Syngkon na Umsning, Bah Heavingstone Kharpran na Mawryngkneng, Bah Brightstarwell Marbaniang na Mawlai, Bah Avner Pariat na East Shillong, Bah Raja Jyrwa na West Shillong, Danny Langstieh na South Shillong, Kong Aibandaplin F Lyngdoh na Mylliem.
Nalor kane, Bah Winston Tony Lyngdoh na Nongthymmai, Bah Ardent M Basaiawmoit na Nongkrem, Bah Doristar Marbaniang na Mawphlang, Bah Manbhalang Thabah na Pynursla, Bah Shanlang Warjri na Mairang bad Bah Overlin Imiong na Ranikor Constituency.
Ula ong ka VPP shen kan sa pyllait noh iaka thup kyrteng baar jong ki kyrtong bad ka seng kan sa pynbna ruh iaka kyrteng u MLA ba mynta ka North Shillong u Bah Adelbert Nongrum ban iakhun noh iaka elekshon na ka VPP.
U Dr Chen ula ong, ka VPP kan sa shim ia ka rai la kan pynieng iaki kyrtong ha baroh 36 tylli ki Constituency jongka rilum Khasi-Jaintia.
Ha kaba iadei bad ka jingpyndonkam iaka bor pisa ha ka elekshon, u Dr Chen ula ong, ka long kaba donkam iaka pisa ban pyntyllun iaki kam ki jam elekshon hynrei ka VPP kan ym treh pat ban pyndonkam da ka bor jong ka pisa ban pynbiej ia u paidbah tang ban jop iaka elekshon MLA.
