Shillong, Rymphang 04: U Kyrtong ka HSPDP na Mawkynrew Constituency u Bah Martle Mukhim ula ong ba u don ha ka rta kaba la ih bha ban don ha ka kam ban shakri iaka ri bad jaidbynriew.
“Mano ba ong ba nga lah noh ka met, ia nga la dep ban bishar bniah ym tang da 5 ne 6 ngut ki briew hynrei da ki hajar ngut ki briew ha kylleng ki jaka jong ka constituency bad hadien ba kila thew la woh ia baroh ki nongialam kiba don hapoh, ki shem ba nga dei uba biang tam na ka bynta kane ka elekshon” ong u Bah Martle Mukhim bad ka bynrap ba u don ka jingkyrmen kaba skhem ba yn jop iaka elekshon MLA namar ba u ieng beit ha la ka nongrim.
Ula ong ki don bun bah ki mat kiba kongsan yn leh ynda u jop iaka elekhson hynrei ym lah ban niew shuh ia kitei ki mat namar ba kala hiar dor than ka saindur saindar ha ka jylla khamtam haka synshar ka khaddar.
“Ka rukom treikam une u MLA ba mynta ka Mawkynrew ka long kaba mar khongpong ia kaei kaba dei ban leh, nama rha ka jaka ban ong 1 u ong 2 bad ha ka jaka ban ong 5 u ong 10, kumta ki paidbah ki dei ban pyrkhat bniah kumno ban jied ia u nongmihkhmat. U Nongmihkhmat udei ban don iaka jingkitkhlieh, ka jingtip bad ka jingsngewthuh shaphang ka jingdonkam ka ri bad ka jaidbynriew.
