Shillong, Naiwieng 16 : U President ka BJP-Meghalaya Bah Ernest Mawrie hynne ka sngi Balang, ula kob ia u Myntri Rangbah ka Jylla Conrad K Sangma ban mih iakhun ia ka elekshon MLA 2023 tang na South Tura ym ban mih iakhun na artylli ki Constituency bad ban mad ruh ia ka bor jong u Vice President ka BJP Bernard N Marak.
Ha ka kyrwoh, u Bah Ernest ula ong ba u Bernard Marak ula lait mynta ka sngi na ka kti ki Pulit wat hapdeng ki jingpyrshang kat kaba lah jong ka Sorkar NPP ban buh sah ia u ha along.
Ula ong ba ka case pyrshah ia u Bernard kam don sakhia satia bad kane hi ka paw ba ka don ka jingleh kput ha ka kam sain pyrthei.
U Bah Ernest uba dei ruh u Nongaibuit jong u Myntri Rangbah, ula ong ba u Conrad ula tip bha ia ka jingnang paw jong u Bernard Marak bad ula sheptieng ioh u duh ia ka jingkyrshan na ki paidbah ha Tura.
“Ki paidbah ka Tura bad ka Jylla kila dep rai ban weng noh ia ka Sorkar NPP ha ka elekshon ban wan” ula ong.
U Bah Ernest ula pdiang sngewbha ia u Bernard Marak haba kyntu ia u bah iaibteng ia ka jingiakhun pyrshah ia ki kam bamsap ha ka sorkar.
