Shillong, Rymphang 02: U MLA shimet jong ka Baghmara konstitwensi u Samuel Sangma hynne ka sngi ula ieh noh kam kum u nongmihkhmat ka Iingdorbar Thaw Ain ban pynkhreh ialade ha kaban iasoh noh sha ka BJP bad ban long u kyrtong kane ka party pukir ha kane ka elekshon 2023.
Iaka shithi ieh noh kam kum u MLA, u Samuel Sangma ula aiti ha u Commissioner bad Secretary ka Meghalaya Legislative Assembly u Dr. Andrew Simons.
Haba kren sha ki lad pathai khubor u Samuel Sangma ula ong ba ula shim ia kane ka rai ban ieh noh kam kum u MLA naka bynta ban iaid shakhmat ban pynkhreh iaka ilekshon 2023.
U Samuel ula iathuh ba un iakhun iaka ilekshon 2023 lyngba ka Ticket jong ka BJP napoh Baghmara konstitwensi.
