spot_img

Elekshon Mizoram : Pynbna ka ECI ban thep vote 7 tarik Naiwieng, yn niew 3 tarik

Date:

Share post:

Aizawl, Risaw 9: Ka Election Commission of India(ECI) ha ka sngi Nyngkong, kala pynbna ba ka elekshon MLA ha Mizoram bad saw tylli kiwei pat ki Jylla kan long ha ka 7 tarik Naiwieng, 2023 bad ka jingniew vote kan long ha ka 3 tarik Nohprah.

Kiwei ki Jylla ki kynthup ia ka Madhya Pradesh, Chhattisgarh, Rajasthan, bad Telangana.

Ha Mizoram, ka jingdon ki nongthep vote ka kot ia ka 8.51 lak ngut. Ka Mizo National Front (MNF) bad ka BJP kiba don ha ka Liang Synshar, kin iakhun la ka jong ha kane ka elekshon ban wan.

Ka samoi treikam jong ka Iingdorbar ka Mizoram kan kut ha ka 17 tarik Nohprah. Kane ka Jylla mynta ka don hapoh ka jing synshar jong ka Mizo National Front hapoh ka jingialam u Zoramthanga kum u Myntri Rangbah ka Jylla.

Ha ka elekshon 2018, ka MNF kala jop haduh 26 seat na ka 40 seat katba ka Congress kala ioh 5 bad ka BJP kala jop tang shi seat. Haduh 8 ngut ki kyrtong shimet kila jop ha kane ka elekshon.

Ka MNF kala wan phai pat sha ka bor hadien 10 snem da kaba pynliem ia ka Congress na ka jingsynshar ha kane ka Jylla.

U Myntri Rangbah ka Mizoram Lal Thanhawla, uba la ialam ia ka Jylla naduh u snem 2008, ula shah liem ha ka jingiakhun ha u 2018 na Champai South ha u TJ Lalnunthluanga jong ka MNF da 1000 vote bad ruh ruh na Serchhip constituency sha u Lalduhima jong ka ZPM da 410 vote.

Share post:

spot_img
spot_img

Popular

More like this
Related

Lum ka Meghalaya ia ki Jylla NE ba iapynlong lang ia ka National Games 2027 ha Shillong

Shillong, July 26: Kum ka sienjam n aka jingpynkhreh...

Plie u CM ia ka 134th Durand Cup ha Shillong | Pynliem ka Shillong Lajong da 6 kol ia ka Malaysia

Shillong, Naitung 26: Ka Jawaharlal Nehru Stadium, sa shisien...

Phet krad lut ki nongtrei bar jylla marsien leit khynra kot ka FKJGP ha LPG Bottling Plant ka IOCL

Nongpoh, Naitung 26: Ka Federation of Khasi Jaintia and...

Pat shim rai ka HSPDP ban bujli Myntri hapdeng ki 2 ngut ki MLA hapoh ka Sorkar MDA

Shillong, Naitung 26: Hapdeng ka jingsawa ka khubor bujli...