Shillong, Nohprah 11 : Ka Bharatiya Janata Party (BJP) ka Meghalaya, kala kyntu ia baroh ki briew ba kwah long kyrtong ban iakhun ia ka elekshon KHADC bad JHADC ba kin phah ia ki aplikeshon sha ki District President hapoh ka 30 tarik Nohprah 2024.
Kat kum ka jingpynbna la ong ba ia ka thup kyrteng jong ki kyrtong yn sa phah sha ka State Election Commission ha ka 5 tarik Kyllalyngkot, 2025.
Ka ong ba lyngba kine ki elekshon, ka BJP ka kyrmen ban ioh ia ka kyrdan ha kaba ka party kan lah ban leh eiei halor ka amendment bala sahteng la slem jong ka 6th Schedule, ha ka rukom ka ban pynmyntoi ia ka rukom pyniaid ia ki bor synshar hapoh ka Jylla.
“Lada ka party ka jop bun ki seat, ka BJP kan tynruh ban ioh ia ka Direct Funding ban pyniaid ia ki kam shnong kam thaw. Ka dei ka sienjam ka ban pynkupbor ia ki Ragbah Shnong bad ki Dorbar Shnong ha Ri-lum Khasi bad Jaintia, ka ban pynthikna ia ka jingpyniaid ryntih ia ki kam pynroi bad jingpynpoi thikna ia ki skhim ka Sorkar pdeng kiba la pynwandur ban kyntiew ia ka jingim jong ki briew ha baroh ki kyrdan” kala ong ha ka kyrwoh.
Kala ong ba ka BJP Meghalaya ka phaikhmat ban pyndonkam ia ki Autonomous District Council kum ki rynsan ban shakri ia ki paidbah bad ban pynpoi ia ki kam pynroi ha man ki jingkhang jong ki iingbriew ha ri-lum Khasi bad Jaintia.
 ka Meghalaya, kala kyntu ia baroh ki briew ba kwah long kyrtong ban iakhun ia ka elekshon KHADC bad JHADC ba kin phah ia ki aplikeshon sha ki District President hapoh ka 30 tarik Nohprah 2024.){kind=link}