Guwahati, Iaiong 28 : U Anand Mishra, u Pulit IPS ka Assam Meghalaya, ula pynbna ba un mih aireng kum u kyrtong ha ka elekshon Lok Sabha ban wan ha Bihar.
U Anand Mishra uba la sdang ia ka jingshakri kum u Heh Pulit ha Ri-lum Garo, u dei uba la bna nam bha halor ka jingshlur jong u bad ha ka jingiakhun pyrshah ia ka kynhun kiengatiar Garo National Liberation Army.
We are Filing Nomination for Lok Sabha Election – 2024 from 33-BUXAR LS Seat (Bihar) on 7th May, 2024. Everyone is cordially invited on 07-05-2024 @ 10 AM to Buxar, Bihar please 🙏🏻😊#LokasabhaElection2024 pic.twitter.com/TcuUu2KEwG
— Anand Mishra (@anandmishraips) April 27, 2024
Ha ka video ba ula pynmih ha social media hynne ka sngi U Blei, u Mishra ula pynkut lut ia baroh ki hamsaia ba un mih iakhun elekshon bad pynthikna ba un sa thep kyrteng kum u kyrtong ha ka 7 tarik Jymmang na 33-Buxar LS Seat ha Bihar.
Ula khot sngewbha ia ki paidbah ba kin iasnohkti lang bad u ha Buxar ha ka sngi leit thep kyrteng.
U Mishra ula ban jur ia ka jingkut jingmut jong u ban shakri ia ki paidbah ka Buxar bad ban iakhun pyrshah ia ki kam bamsap khlem da khein party. Ula ong ruh ba ka jingiaid ialap elekshon jong u kan ym long tang n aka bynta ialade hynrei kan dei ka jingiakhun jong ki paidbah ka Buxar.
Ha ka por ba u shakri ha Meghalaya, u Mishra ula mad ia ki jingtynjuh ba bun kynthup ka jingshah kynnoh leh donbor ia ki paidbah, shoh ia ki samla pule bad ia u nongiasaid ain ha Baghmara, South Garo Hills. Hadien kane, ula shakri kum u Superintendent of Police ha kylleng ki District ka Assam ba kynthup ia ka Charaideo, Dhubri, Nagaon bad North Lakhimpur.
Ha u Nohprah 2023, u Mishra ula pynbna ban iehnoh na ka kam IPS bad pynpaw ia ka jingthrang jong u ban shakri paidbah bad ban beh iala ka thong ha ka jingim kaba iaid ha ryngkat ka jingim ba laitluid.
Haba nyngkong, u Mishra ula phaikhmat ban iakhun ia ka elekshon Lok Sabha na ka ticket jong ka Bharatiya Janata Party (BJP) hynrei hadien ba shah kyntait ticket, ula shim ia ka rai ban iakhun kum u kyrtong shimet na Buxar Lok Sabha constituency kaba dei ka Jylla jong u.
