Shillong, Iaiong 01 : Ka Election Commission of India (ECI) kala phah haduh 40 pyrton ki Central Armed Police Force (CAPF) sha Meghalaya ban pynthikna ia ka jingpyniaid beit iaid ryntih ia ka elekshon Lok Sabha kaban long ha ka 19 tarik Iaiong.
Haba pyntip ia kane hynne ka sngi Nyngkong, u Chief Electoral Officer (CEO) Dr BDR Tiwari ula ong “Ngi la ioh haduh 40 pyrton ki Central Armed Police Force (CAPF) ban pahara na ka bynta ka elekshon”.
Napdeng kine, 5 pyrton ki CAPF kila don lypa hapoh ka Jylla, bad pyntip ba shen yn sa wan poi sa kiwei ki pyrton kat kum ka por bala buh.
U Tiwari ula pyntip ruh ba ka Tnad pyniaid elekshon, kala dep ban pynkhreh lut nadong hadong haba phai sha ka jingteh lakam ia ka jinglong jingman ha ka suk ka sain.
“Kumjuh ruh ia ki kam khappud, ngi la dep ban iakren hashuwa jong ka elekshon. Ka ECI ruh kala dep pynmih ia ki jingbthah kiba donkam bad ngi ruh ngi la iakren bad ki Jylla kiba marjan” ula ong.
U CEO u khlem ai pat ia ka jingdon ki polling station kiba don jingma bad kiba lah ban pynmih jingkulmar ia kiba la dep ban ithuh da kaba ong ba ‘ka nombor ka lah ban kylla”.
Nalor kane, ula pyntip ba kila don artylli ki jingujor bala ioh pdiang haba iadei bad ka jingpynkhein ia ki kyndon ka Model Code of Conduct (MCC).
Haba kylli ia kiei ki jait jingujor, u CEO ula ong “Ia kine kiei kiei phi lah ban pan jingtip na ki Deputy Commissione”. Ula ong ba ki artylli ki jingujor ki dei kiba la ioh pdiang lyngba ka C-vigil bad la dep ruh ban bishar ia ki.
 kala phah haduh 40 pyrton ki Central Armed Police Force (CAPF) sha Meghalaya ban pynthikna ia ka jingpyniaid beit iaid ryntih ia ka elekshon Lok Sabha kaban long ha ka 19 tarik Iaiong.){kind=link}