Shilong, Iaiong 02: Ka Tnad Election ka Jylla kala ioh ban kurup palat T. 402 lak ha ka dur jong ka pisa, u droks, ki jingai sngewbha bad kiwei kiwei kat haduh ka 1 tarik Iaiong, 2024 namar ka jingpynkhein ia ki kyndon ka Model Code of Conduct (MCC) ka Elekshon Lok Sabha.
U Chief Electoral Officer (CEO) ka Jylla Dr BDR Tiwari, haba pyllait ia ka kaiphod ka jingioh kurup ha ylla, ula ong ba kat haduh ka 31 tarik Lber, 2024, ka jingioh kurup bala khein da ka pisa ka kot haduh T. 388.1566 lak.
Ula ong ba kum shibynta jong ka MCC na ka bynta ka elekshon Lok Sabha, kila don shibun ki jingkurup ha ka dur jong ka pisa, droks bad ki jingai sngewbha ha kylleng ki jaka ka Jylla.
U iathuh ba ka jingkurup kaba la sdang naduh ka 16 tarik Lber haduh ka 31 Lber ka long-pisa (da ka lak) 18.92008; ka kyiad (Quantity ha ka Litre) 16206.69; kyaid (ba khein pisa ) 28.94127 lak; Drug (Quantity ha ka Gms) 123936.91; Drugs (khein pisa ) 139.0892; mar ba kordor (Quantity ha ka Gms) 0; mar ba kordor (khein pisa ) 0; jingai sngewbha 1083 tylli ; jingai sngewbha (ba khein pisa ) 0.4865 lak; kiwei ki mar (khein tyli ) 334755.75; kiwei ki mar (khein pisa) 200.7196 lak.
U CEO u pyntip ruh ba tang ha ka 1 tarik Iaiong, ka jingioh kurup kala kot haduh T. 14,77368 kaba long ha ka dur jong ka pisa, u droks bad ki jingai sngewbha.
U iathuh ba kine ki jingioh kurup ki long ka kyiad-2193.59 liter ba shongdor T.3,02298, kiwei kiwei ki mar ai sngewbha ki long 25110 tylli kiba shongdor T.11.7507 lak.
 ka Elekshon Lok Sabha.){kind=link}