Shillong, Iaiong 23 : U Myntri Sorkar bad Nongialam ka NPP Rakkam Sangma, ula kubur ba ka Elekshon ha Tura Parliamentary constituency ka dei kaba iatan tyllai bha hapdeng ka NPP bad ka Congress.
Haba iakren bad ki lad pathai khubor hynne ka sngi Ba-ar, u Rakkam ula ong ba ka elekshon ka long kaba itynnad bad ka bym poi pyrkhat ha kane ka kynti ba mynta. Ula ong ba lada ki nongtrei ka BJP kumba bthah da ka High Command ba kin ai vote ia ka NPP, ka party kan thikna ba kan jop beit.
Hynrei ula bynrap pat ba ka jingiakhun ka iakhaid bad ka Tura seat ka lah ban leit shano shano. Ka NPP ka kyndit kat kum ka jingiakhein jingkhein namar ka Congress kala paw ba ka la leh bha ha Tura.
U Rakkam haba pynpaw ia ka jingsngewskhem ba ka NPP kan jop salit na Tura seat haba pynpaw ba ki don shibun kiei kiei kiba iaid pyrshah ia ka party.
Haba phai pat sha Shillong seat, u kyrmen ba ki nongthep vote kin ai vote sha ka NPP bad kitbok kitrwiang ba ka kyrtong kan jop.
“Watla ia nga ka Shillong seat ka dei kaba kordor bad ki nongthep vote ki tip bha iano ba kin jied namar ka Meghalaya ka dei ka Jylla ka bym don eiei satia. Mano mano ba wan ha ka bor lane long MP, ka Meghalaya ka lah ban pyniaid ia ka synshar khadar da ka jingleh isynei jong ka Sorkar Pdeng” ong u Rakkam.
