Guwahati, Lber 4: U President ka BJP Assam Bhabesh Kalita ula ong ba ka party kan ioh ia ka jingjop kaba bun bha ha baroh ki seat ba ka iakhun jong ka elekshon Lok Sabha ha Assam.
Haba iakren bad ki nongthoh khubor, u Kalita ula ong ba ka BJP kan jop don burom ha baroh 11 constituency jong ka Jylla bad ki lai tylli ki lah ban ioh da ki paralok ba ka iatreilang.
Ka BJP kala pynbna ia ka thup kyrteng jong ki kyrtong ha baroh 11 tylli ki constituency ka Assam bad ka sngewskhem ba ha baroh kine ki constituency, ki kyrtong kin ioh ia ka jingjop.
U Kalita ula kam ba ka Congress ka la tlot bha bad kane kala nang iarap ia ka BJP ban ioh vote khamtam lei ba ka pynslem ban pynmih ia ka kyrteng jong ki kyrtong.
U President ka BJP ula pynpaw b aka Ason Gana Parishad(AGP) ka lah ban jop ha Dhubri, namar ka jingbym hun ki paidbah ia u MP ba mynta u Badruddin Ajmal halor ka jingkynnoh ba u shimkhia ia ki kam iapher jaidbynriew ha ka jaka jong ka roi ka par.
