spot_img

Elekshon Lok Sabha | Khylliap lama ka TMC ha Nongstoin, poi iasoh NPP ki Nongialam

Date:

Share post:

Nongstoiñ, Lber 29: Katba ki sngi ki nang jan nang jan sha ka elekshon Lok Sabha, ka National People’s Party (NPP) kala nang khring iaki Nongialam jong ki seng sain pyrthei bapher bapher ban wan iasoh bad ka Party.

Ka NPP kala pynkhylliap lama syndon ia kawei ka seng sain pyrthei ha Nongstoin, West Khasi Hills, da ka jinglah ban tan ia jan baroh ki nongialam bad ki nongkitkam jong kane ka seng.

Kane ka seng sain pyrthei ka dei ka All India Trinamool Congress (TMC) kaba ialam da u Lamphang barim ka Iingdorbar Thaw Ain Bah Charles Pyngrope lem bad u Myntri Rangbah barim ka Jylla Mukul Sangma.

Ki Nongialam ka TMC hapoh ka jingialam jong u President Bah Macmillan Kharbani, Bah Hubert Kharbani bad bah Paskal Nongrum, kila leit ban pyniasoh sha ka NPP ha ka jingialang kaba long ha ka sngi Palei ha Nongstoin.

Ia kine ki Nongialam bad nongkitkam ka TMC la pdiang sngewbha da u MLA barim ka NPP na Nongstoin Bah Macmillan Byrsat, uba bat kum u President ka NPP-West Khasi Hills ha ka jingiadonlang ki Nongialam ka NPP Nongstoin Block.

Kine ki Nongialam ka TMC kila pynpaw ba ka daw ka jingmih noh jong ki na ka TMC ka dei namar ka jingsngewthuh ba ki paidbah kim pat pdiang satia ia kane ka party hapoh ka thain.

Share post:

spot_img
spot_img

Popular

More like this
Related

Pan jaka ka NPWF na ka sorkar ban tei ia u motdur ba shirynieng jong ka Phan Nonglait

Shillong, Nailar 08: Ka National Peoples Women Front (NPWF)...

Sdang ka jingtih dewiong da ki kor saian | La shalan dewiong na Meghalaya sha kiwei ki Jylla ka Ri

Shillong, Nailar 08: U Myntri Rangbah ka jylla Conrad...

SPL 2025 | Pynliem ka Mawlai da 6-2 kol ia ka Sawmer

Shillong, Nailar 07: Ka Mawlai hynne ka sngi ka...