spot_img

Elekshon Lok Sabha 2024 | Ioh pdiang ka ECI palat 79 hajar ki ujor lyngba ka C-Vigil ba pynkhrein MCC

Date:

Share post:

Shillong, Lber 29 : Ka cVigil app jong ka Election Commission of India (ECI) kala kylla long ka atiar kaba treikam bha ha ki briew kiba dei tehlakam ia ka jingpynkhein ia ka Model Code of Conduct bad naduh ba pynbna ia ka elekshon Lok Sabha 2024, palat 79,000 tylli ki jingujor la ioh pdiang da ka Commission haduh mynta ka sngi.

Ia kane la pyntip da u Anuj Chandak, Joint Director ka ECI (Media) ha ka sngi Thohdieng.

Palat 99% ki jingujor la lah ban pynbeit bad jan kumba 89% na kine ki ujor ki dei kiba la pynbeit hapoh ka 100 minit. Ka jingsted bad ka jingtreikam haba shai ki dei ki maw byrsiew jong ka cVigil App.

Palat 58,500 tylli ki ujor (73% na baroh lang) la ioh pdiang pyrshah ia ka jingwah beain ia ki hoarding bad ki banner. Palat 1400 tylli ki ujor ki iadei bad ka kam pisa, ka jingai sngewbha bad ka jingsam kyiad.

Jan kumba 3 % na kine ki ujor (2454) ki dei halor ka jingleit thoh jingthoh ha ki kynroh iingbriew bad 535 tylli ki ujor ki dei halor ka jingpyni ia ki tiar siat bad byrngem byrsit, 529 tylli na kine, ki dei kiba la dep ban iapynbeit.

Haduh 1000 tylli ki ujor la ioh pdiang kiba iadei bad ka jingialap elekshon palat ia ka por bala buh kynthup ka jingpyndon kami a ki tynghung kiba saw palat ia u pud bala buh.

Lah ban kdew hangne ba ha ka jingiakynduh bad ki lad pathai khubor ban pynbna ia ka elekshon Lok Saha 2024, u Chief Election Commissioner Rajiv Kumar ula kyntu ia ki nongshongshnong ba kin long kiba peitngor bha bad ban pyndonkam ia ka app ha kaban pyntip lada don kiba pynkhein ia ki kyndon ka Model Code of Conduct bad ka jingsam ia kino kino ki jingai sngewbha sha ki nongthp vote.

Share post:

spot_img
spot_img

Popular

More like this
Related

Ban pynkhlain ia ka NPP ha Ri-lum Khasi | Thung u Bah Prestone ia 2 ngut ki MLA kum ki nongaibuit

Shillong, Jylliew 06 : U President ka National People’s...

‘Assam-Meghalaya area of difference’: Dhar review inclusion of Baikam village

Jowai, June 6: Meghalaya Deputy Chief Minister and Chairman...

BJP Mahila appraises NCW member on death of pregnant woman

Jowai, June 6: The tragic death of a pregnant...

Kem ki Pulit ia 2 ngut ki Nonglute na Nongrim Hills | Shah dung uwei u nongiaid lynti

Shillong, Jylliew 06 : Ki Pulit ka Laitumkhrah Police...