Nongstoiñ,K’lyngkot 31: Sa san ngut ki kyrtong kila mih ban pyndep ia ka jingthep kyrteng ban iakhun ia ka elekshon MDC na ki constituency bapher bapher ka West Khasi Hills hynne ka sngi Thohdieng ha Ophis u Deputy Commissioner.
Kine ki kyrtong ki kynthup ia 3 ngut na ka HSPDP-ka Kong Badariti Lyngdoh Nonglait ban aireng na Nongstoin constituency bad u President Bah KP Pangniang na Rambrai-Jyrngam lem bad u Bah Sraly Rashir na Mawshynrut constituency.
Ia kine ki kyrtong la synran da u MLA ka Mawshynrut Bah Methodius Dkhar ha ryngkat ki nongkyrshan bad ki bahaiing hasem.
Ki arngut kiwei pat ki dei u Bah Bormanding Nonglang kyrtong ka Cogress na Rambrai-Jyrngam bad u Bah Gardinal Sohshang jong ka National Peoples Party (NPP) na Mawshynrut.
Ia u kyrtong ka NPP la synran da u MDC ka Mawshynrut Bah Gigur Myrthong, u MLA ka Nongstoin Bah Gabriel Wahlang bad MLA barim Bah Macmilan Byrsat uba dei ruh u President ka NPP-WKH.
