Nongpoh, Kyllalyngkot 31: Sa 5 ngut ki kyrtong ka UDP ki la pyndep ia ka jingthep kyrteng hakhmat ki Returning Officer ban iakhun na ki 5 tylli ki Constituency ka Ri-Bhoi District hynne ka sngi Thohdieng ha Nongpoh.
Kine ki kyrtong ki dei u MDC ba mynta ka Nongpoh Bah Balajied Rani, u Bah Eddie G Kharbani na Umsning, Bah James Sylliang na Mawhati, Bah Lee Bareh na Jirang bad ka samla Naphishisha Marwein na Umroi.
Haba kren kum u President ka UDP na Ri Bhoi District, u Bah Balajied Rani ula pynpaw ia ka jingkhmih lynti ba ki paid nongshongshnong ka Ri-Bhoi, kin ai ka jingkyrshan kaba pura ban pynjop ia ka party ha kane ka elekshon ban wan ba kan lah ban pynurlong ia bun ki kam kiba kongsan na ka bynta ka Jaidbynriew ha KHADC.
