Shillong, Rymphang 03 : I Kong Amanda Pakyntein, kurim u MLA na Mawkynrew bad Myntri barim ka Sorkar Bah Banteidor Lyngdoh (Bah Paidang), ha ka sngi Nyngkong, ila pyndep ia ka jingthep kyrteng kum ka kyrtong ka National Peoples’ Party (NPP) ban iakhun ia ka elekshon ADC na Mawkynrew, ka ban long la 21 tarik Rymphang.
Haba iakren bad ki nongthoh khubor, I Kong Pakyntein ila ong “Nga sngew skhem ban jop ia kane ka elekshon bad nga kular ba ngan bud ia ki dienjat jong u kurim ha kaban wanrah ia ka roi ka par sha ka constituency bad ban trei shitom ha kaban pynkhlain ia ka Sixth Schedule jong ka Riti Synshar ka Ri, kaba dei ka bor iada kaba khlain duh ia ki riewlum trai ri trai muluk nalor ban iada ia ka riti ka dustur ba riewspah ka Jaidbynriew”.
Haba ban jur ia ka jingdonkam ban pynkhlain ia ka durtur ai jait Kmie, ila ong ba ka long kaba donkam ruh ban wanrah ia ka synshar khadar kaba khuid ha KHADC. “Ngi donkam ban pynthikna ia ka jingthungkam thungjam kaba shai bad ruh ka jingiada ia ka mariang” ila bynrap.
Ila kam ruh ba u kurim jong I, ula leh shibun kiei kiei na ka bynta ka constituency da kaba wanrah ia ki kam pynroi bapher bapher na ka bynta ka jingmyntoi bad ka bha ka miat ki paidbah.
Haba kylli, I kong Amanda ila ong “Nga phah ia ka jingkitbok kitrwiang ia u MDC ba mynta. Nga la dei ban jop ia ka elekshon 2019 hynrei baroh ngi tip ba ngi la rem namar ka jingiatreilang hapdeng u MDC ba mynta bad u Bah Remington Pyngrope. Hynrei, ha kane ka kynti nga sngewskhem bha ba ngin jop ia kane ka elekshon”.
U Bah Banteidor ula pynpaw ia ka jingsngewskhem ba I kurim in jop ia kane ka elekshon da ka jingieid bad jingkyrshan ki paidbah jong ka constituency.
, ha ka sngi Nyngkong, ila pyndep ia ka jingthep kyrteng kum ka kyrtong ka National Peoples’ Party (NPP) ban iakhun ia ka elekshon ADC na Mawkynrew, ka ban long la 21 tarik Rymphang.){kind=link}