Shillong, Rymphang 14: Namar ka jingdon ki eksamin Class X bad Class XII ba pynlong daka MBOSE, u kyrtong ka Khun Hynniewtrep National Awakening Movement (KHNAM) na Laban-Mawprem constituency u Bah Shemstar Rynjah u la pynbna ba un nym pynlong ka jingialap ilekshon hapoh ka constituency.
Haba kren sha ki lad pathai khubor u Bah Shemphang u la ong ba ia kane ka rai u la shim namar ka jingpyndonkam iaki tynghung (Loud Speaker) kan ktah iaki samla kiba dang pynkhreh iaki eksamin bapher bapher.
“Nga kwah ban pyntip shaki paidbah ka Laban-Mawprem constituency ba ngan nym pynlong iaki jingialang paidbah namar lada pyndonkam iaki kor jingsawa kan sa ktah iaki samla kiba dang pynkhreh iaki eksamin bapher bapher hapoh ka constituency bad ka Jylla baroh kawei” la ong u Bah Shemstar.
U Bah Shemstar u la ong ba ia kane ka rai u la shim hadien ka jingiasyllok bad ki nongkyrshan kiba sngewiahap kaka rai namar ki ruh ki don ka jingkitkhlieh iaka lawei ki samla pule kiba don hapdeng ki eksamin bapher bapher.
Haba pyntip iaki mat iakhun ilekshon MDC, u Bah Shemstar u la ong “Lada nga ioh ka jingjop, ngan wad ki lad ban iarap iaki nongbylla sngi, ki nongniah kali kamai kum ki Taxi bad ki Bos Saw, ban iarap iaki nongdie madan, ban wad ki lad jingiarap iaki naka bynta ki mongrep lyngba ki skhim bapher bapher bad ban buddien iaka jingpynbeit ia u pud u sam hapdeng ka Meghalaya bad Assam”.
U kyrtong ka KHNAM u la pyntip ruh ba un sa thoh sha ka Sorkar India ban ai noh iaki jaka shipai ban tei iaki jingdonkam naka bynta ka jingmyntoi ki paidbah ka Laban-Mawprem constituency bad ban buddien iaka ILP.
“Kat ba ngim pat ioh iaka ILP, ngi donkam ban pynkhlain iaki ain ka District Council ban tehlakam iaka jingwan buhai shnong ki bar Jylla bad haka juh ka por ngan buddien ban pynkynriah iaki briew ba sah ha Them Iew Mawlong” u la ong.
 na Laban-Mawprem constituency u Bah Shemstar Rynjah u la pynbna ba un nym pynlong ka jingialap ilekshon hapoh ka constituency.){kind=link}