Shillong, Rymphang 18 : U President ka National People’s Party (NPP) Meghalaya bad Symbud Myntri Rangbah Bah Prestone Tynsong, ula kyrpad ia ki paidbah ka Mawsynram ban jied biang ia u Bah Alvin Sawkmie kum u MDC na ka bynta ka roi ka par ha baroh ki liang jong ka constituency.
Ula buh ia kane ka jingkyntu haba ieng ha ka rynsan ialap elekshon hapoh ka shnong Lawbah bad Syntein ha ka sngi Nyngkong.
“Nga kyrpad ia ki paidbah jong ki san shnong ban jied biang ia u sitting MDC ha ka jaka ban shah pynbiej ha kiwei pat ki kyrtong naba ngi la kut jingmut shisha ban pynbteng ha kaban wanrah ia ki kam pynroi hapoh ka constituency” ong u Bah Prestone haba kren ha Syntein.
Haba pynpaw ba ka elekshon ADC ka long kaba kongsan, ula ong ba kane ka long namar ka party ka kwah ban nang pyn khlain shuh shuh ia ka riti ka dustur ba riewspah jong ka Jaidbynriew.
U Bah Prestone ula pynpaw ruh ia ka jingsngewskhem ba ki paidbah kin vote ia ka NPP bad ong “Nga kular ruh ha phi ban gin ai ia ka mobile tower nalor ka Iingdorbar Shnong, ka Jingkieng bad kiwei kiwei lada phi jied biang ia u Bah Alvin na ka constituency. Ngi sngewbha ba ki paidbah ka Syntein ki duhnong bha na ka jingbym don u mobile tower. Nga kular ruh ba ngan sa wan jurip mardor ban pynthikna ia ka jingpynroi shuh shuh ia ka thain”.
Haba ai jingkren, u Bah Alvin ula kular ban shim ia ki sienjam ha kaban weng ia ki jingeh bala mad da ki nongrep na ka thain.
“Ngi la wanrah ia ka Market Act ban weng ia ki jingeh ki nongrep, kaba ki Executive Committee bala leit, kim shym la lah ban leh eiei. Hapoh ka jingialam ka NPP, ngi la lah ban weng ia ka jingot kila ia ki marrep ha Iewduh. Ka jingthmu jong ka Act ka long ban iada ia ka hok jong ki nongrep. Nga kular ruh ha phi ba ngan sa iakren ia ka jingeh jong ki nongrep synsar. Ngi wan hangne ban thaw ia ki ain bapher bapher na ka bynta jong phi” ula ong.
Ula ban jur ruh ia ka jingdonkam ba ka KHADC ban nang wanrah shuh shuh ia ki ain kiba treikam ha ka ban ai jingiada ia ka Jaidbynriew.
U MLA barim Bah Himalaya Shangpliang ula pyntip ba ka jingshna ia ka surok na Weiloi sha Phlangwanbroi kan sa sdang noh shen bad ka Sorkar kala tyrwa ruh ban mang pisa ia kawei pat ka surok na Phlangwanbroi sha Dangar.
 Meghalaya bad Symbud Myntri Rangbah Bah Prestone Tynsong, ula kyrpad ia ki paidbah ka Mawsynram ban jied biang ia u Bah Alvin Sawkmie kum u MDC na ka bynta ka roi ka par ha baroh ki liang jong ka constituency.){kind=link}