Mih surok u Nongialam sain pyrthei| Iapynibor bad ki Pulit| Khlem poi shano shano ka jingiakhih
Shillong, Rymphang 18 : U Nongialam ka United Democratic Party (UDP) bad Myntri Sorkar Bah Paul Lyngdoh ula ong ba ka Executive Committee ba 3 snem shiteng ba ialam da ka UDP ha KHADC, kala pynbeit ia ki kam ba iadei bad ka jingkyntur pud ka Meghalaya Urban Development Authority (MUDA).
U Bah Paul ula kren ia kane ha ka rynsan ialap elekshon ha Jaoaw ban pan jingkyrshan ia u Bah Auguster Jyrwa kyrtong ka UDP ban iakhun na Jaiaw Constituency ha kane ka elekshon KHADC, ban long la 21 tarik Rymphang.
Kat kum ka jingong jong u, ki don katto katne ki nongialam seng sain pyrthei (Ardent Basaiawmoit) kiba la mih ban iakhih pyrshah ia ka jingkyntur pud ka MUDA hynrei ka khlem poi shano shano ruh watla kila iatakhuh bad pynibor marmet bad ki Pulit hajan ka State Central Liberary ha utei u snem.
“Hynrei, ngi kum ka party ngi kren duna bad trei kham bun ka kam. Ka khyllipmar ba ngi shimti ia ka EC ha KHADC, ngi la lah ban pynbeit ia kane ka kam ban pynthikna ba ka District Council kan iohbor kum ka borkhmih haba iadei bad ka jingai jingbit ban tei iing ha ki jaka sixth schedule. Ngi la iashong jingialang haduh laisien bad u Symbud Myntri Rangbah Bah Sniawbhalang Dhar bad ngi la rai ba ka MUDA Byelaws kan ym treikam shabar ka jaka Municipal” ula ong haba pyntip ba ka KHADC kala ioh lum haduh T.55 lak kum ka khajna na ka bai ai jingbit ban tei iing ha u snem 2022-23, T.1.64 klur ha u 2023-24 bad T.3.20 klur ha u 2024 haduh mynta.
“Nalor kane, ngi la pyniap noh ia palat 400 tylli ki Trading Licence jong ki bar Jylla. Kane ka pyni ba ngi ailad ia ki kam jong ngi ba kin krem kham jam ban ia ka ktien” ong u Bah Paul.
Ula ong ruh ba kiwei pat ki soh jingtreikam jong ka EC ba ialam da ka UDP ki kynthup ia ka jingai syrnot ia palat 400 ngut ki briew kiba aplai ia ka ram shna iing na ki Bank bapher bapher bad ka jingmynjur ia ka Land Act bad ka Clan Act.
“Hynrei sngewsih, ki don ki seng sain pyrthei (VPP), kiba kam ba ki ieng ban iada iaka riti ka dustur ba riewspah jong ka Jaidbynriew hynrei u President jong ki ( Ardent Basaiawmoit) ula iengskhem ba ki Khun jong u, kila shim ia ka Jait jong u (jaitkpa) bad kane hi ka dei ka jingpyrshang ban pyntroin ia ka dustur ai jait kmie bad Lineage Act” ula bynrap.
Haba kyntu ia ki paidbah ka Jaiaw Constituency ban vote ia u kyrtong ka UDP Bah Auguster Jyrwa, u Bah Paul ula ong ba u sngewskhem ba ka UDP kan ialam ia ka Executive Committee ba thymmai ha KHADC.
 bad Myntri Sorkar Bah Paul Lyngdoh ula ong ba ka Executive Committee ba 3 snem shiteng ba ialam da ka UDP ha KHADC, kala pynbeit ia ki kam ba iadei bad ka jingkyntur pud ka Meghalaya Urban Development Authority (MUDA).){kind=link}