Shillong, Rymphang 11 : U Chief Executive Member (CEM) ka Khasi Hills Autonomous District Council (KHADC) Bah Pyniaid Sing Syiem, ha ka sngi Ba-ar, ula dawa ban pynbeit thymmai ia ka Electoral Roll ba mynta jong kane ka elekshon ADC namar ka jingshem ia ka kyrteng ki nongthep vote bar Jylla bad bym dei ki Khasi.
Ha ka shithi sha ka Deputy Commissioner ka East Khasi Hills Kong RM Kurbah, u Bah Pyniaid ula ong ba ka long kaba donkam ban pynbeit thymmai ia ka Electoral Rill na ka bynta ka elekshon ADC ban wan hapoh ka District.
“Katba ngi dang pynkhreh ia ka elekshon, ka long ba ka kongsan ba ka Electoral Roll kan pyni ia ki jingtip kiba dei jong baroh ki nongthep vote ba ioh thep vote hapoh ka district. Da ka jingburom nga kyrpad ia phi ban pynbeit biang ia ka electoral roll ba mynta namar ki don ki nongthe vote bar jylla bad bym dei ki khasi kiba mih kyrteng ha ka electoral roll. Kane ka jingpynbeit kan iarap ban wanrah ia ka elekshon kaba khuid bad kaba shai” ula ong.
“Nga kyrpad ia phi ban shimkhia bha ia kane ka kam bad ban leh eiei ha kaban pynkloi ia ka jingpynbeit hapoh ka por kaba biang, haba buh ha ka jingpyrkhat ia ka jingkongsan ka thup ba beit jong ki nongthep vote ban lah pynlong ia ka elekshon kaba jop” ong u Bah Pyniaid ha ka shithi.
U Bah Pyniaid uba dei u MDC ba mynta ka Sohryngkham, ula iakhun na ka ticket ka NPP na Nongthymmai constituency.
 ka Khasi Hills Autonomous District Council (KHADC) Bah Pyniaid Sing Syiem, ha ka sngi Ba-ar, ula dawa ban pynbeit thymmai ia ka Electoral Roll ba mynta jong kane ka elekshon ADC namar ka jingshem ia ka kyrteng ki nongthep vote bar Jylla bad bym dei ki Khasi.){kind=link}