Jowai, K’Lyngkot 30: Katto katne ngut ki kyrtong hynne ka sngi ki la pyndep ban thep kyrteng ha ophis Deputy Commissioner (DC) West Jaintia Hills na ka bynta ban iakhun ia ka elekshon MDC sha JHADC, ban long la 21 Rymphang.
Napdeng kiba la pyndep ban thep kyrteng ki kynthup u Chief Executive Member (CEM) ba mynta jong ka JHADC Bah Thombor Shiwat uba la pynkhreh ban shah jied biang kum u MDC ka Moodop Umladang constituency daka ba iakhun biang naka National People’s Party (NPP).
Ha kane ka sngi u Bah Richardsing Lyngdoh uba dei u MDC la saw sien ruh u la wan ban thep kyrteng ban iakhun na Mynso Nongjngi constituency na ka tiket jong ka Congress.
U Bah Richardsing u la pynpaw ia ka jingsngewskhem ban jop biang ha kane ka ilekshon ban wan.
U ophisar barim jong ka tnat District Veterinary and Animal Husbandry Dr DI Kjam ruh u la pyndep ban thep kyrteng ban iakhun naka NPP na Jowai North constituency.
U President barim ka FKJGP West Jaiñtia Zone Bah Damien S War u la thep kyrteng kum u kyrtong ka UDP na Mynsngat Khanduli constituency.
Ka Voice of the People Party (VPP) kala sei syndon haduh 14 ngut ki kyrtong kiba la thep kyrteng ha Jowai kynthup u district president u Bah Chanbor Rymbai u ban iakhun pyrshah ïa u CEM u Bah Thombor Shiwat na Moodop Umladang constituency.
 West Jaintia Hills na ka bynta ban iakhun ia ka elekshon MDC sha JHADC, ban long la 21 Rymphang.){kind=link}