Shillong, Nohprah 16 : U Nongialam ka NPP bad Myntri Sorkar Timothy D Shira ula pynpaw ia ka jingsngewskhem ba ka party jong u, kan khur ia ka jingjop ha ka elekshon Garo Hills Autonomous District Council (GHADC), haba kdew ia ki kam kiba ka party kala leh na ka bynta ka Council.
“Ngi la synshar ym tang ha Jylla hynrei wat ha ki District Council bad ngi lah ai ka jingshakri ba radbah ia ka district council” ong u Shira ha ka sngi Ba-ar.
Ula kren halor ka jingsiew ia ka tulop ba 12 bnai sha ki nongtrei ka GHADC, kaba la lah ban pynurlong da ka jingpyrshang jong u Myntri Rangbah ka Jylla Conrad K Sangma.
Halor ka jingkynnoh pyndonkam bakla ia ka pisa, u Shira ula ong “Ki jingkynnoh kin don beit ha ka kam sain pyrthei. Wat lada ngi leh ia ka kam kaba bha, kan don beit ka jingkynnoh, kan don beit ka jingpynrem. Kane ka dei ka kam jong ka Liang Pyrshah”.
Ula kynnoh ba kine ki jingkynnoh ki dei ka jingpyrshang jong ki Liang Pyrshah ban ioh jingmyntoi ha ka kam sain pyrthei.
, haba kdew ia ki kam kiba ka party kala leh na ka bynta ka Council.){kind=link}