Shillong, Lber 05 : U President ka Congress Bah Vincent H Pala, ula pynpaw ia ka jingsngewskhem ba ka party kan leh bha ha ka elekshon ban wan ka Garo Hills Autonomous District Council (GHADC), ka ban long ha ka 10 tarik Iaiong.
Haba kren halor ka jingpynkhreh ka party ha ka sngi Balang, u Bah Pala ula ong ba ka party kala dep pynbna ia ki kyrtong na baroh 29 constituency bad khmih lynti ban iohnong bha na ka jingialeh pyrshah ki paidbah pyrshah ia ka NPP kaba pyniaid ia ka Executive Committee ba mynta.
“Ngi la pyrshang kat kaba lah bad ngi kyrmen ban gin leh bha” ula ong haba bynrap “Ngi sngewskhem bha ba ngin leh bha ha kane ka kynti namar ka jingialeh pyrshah u paidbah pyrshah ia ka NPP ka jur bha”.
Halor ki kynhun ban ialeh pyrshah, u Bah Pala ula pynpaw ia ka jingialeh bad ka TMC.
“Ka TMC ka lah ban kham paw namar u Dr Mukul Sangma u dei u nongialam ba radbah ka ri-lum Garp. Ka TMC, BJP bad kiwei kin ioh iala ka bhah” ula ong.
Haba kylli halor ka jingpynbna ka GHADC ba pynlong kongsan ia ka syrnot Scheduled Tribe (ST) na ka bynta ki kyrtong ban aireng ia ka elekshon, u Bah Pala ula ong “Katba ym pat don kiba leit mudui sha Iingkashari, kane ka jingpynbna ka dang ieng. Lada don kiba leit ujor, hadien kane, ngin sa lah ban tip”.
“Ngam tip la kila ioh ne em ia ka jingmynjur u Lat. Kat bym pat don ki nongtynjuh pyrshah, kane ka jingpynbna ka dei kaba treikam” ula ong.
, ka ban long ha ka 10 tarik Iaiong.){kind=link}