Shillong, Rymphang 26: Ka Pradesh Election Committee jong ka Meghalaya Pradesh Trinamool Congress Committee ha ka jingialang kaba la long ha ka 23 tarik u Rymphang, kala pynbna ia ka thup kyrteng kaba nyngkong jong ki 14 ngut ki kyrtong kiban iakhun ia ka elekshon MDC sha ka GHADC.
U President ka TMC u Bah Charles Pyngrope ula pyntip ba ka seng hadien ka jingbishar kaba bniah ia ki kyrteng kala jied ia ki kyrtong ban iakhun ia ka elekshon GHADC kaban long ha ka 10 tarik u Iaiong.
Ki kyrtong kiba la ioh tiket ki kynthup ia u Changseng R Marak na Silkigre, u Wilterson M Sangma na Rongrikimgre, u Richard Mrong Marak na Babelpara, u Dimseng K Marak na Tura, u Hithudhera Ch Marak na Dengnakpara, u Batchot Ch Marak na Boldamgre.
U Hemendra Hajong na Betasing, u Rahendro A Sangma na Asanang, u Lithson B Marak na Raksamgre, u Badith T Sangma na Jengjal, u Ashish R Marak na Bolsong, u Pardinand D Shira na Damas, u Baseng N Marak na Samandagre bad u Alphonsush R Marak na Williamnagar.
