Shillong, K’lyngkot 30: Ka Sorkar Meghalaya kala pynmih ia ka jingpynbna ia ka Tarik ban pynkhreh ia ka thup kyrteng elekshon ha baroh ki Constituency ka Garo Hills Autonomous District Councils (GHADC) hashwa ban pynlong ia ka elekshon MDC.
Katkum ka jingpynbna paidbah kaba la pynmih da ka Tnad District Council Affairs (DCA), ia katei yn pyniaid shakhmat hapoh ka Rule 129 jongka Assam and Meghalaya Autonomous Districts (Constitution of District Councils) Rules, 1951 kumba lah dep ban pynkylla. Kane ka jingtreikam kan long shi bynta ban pynkhreh ia ka jingpynlong ia ka elekshon jong ka District Council hadien ba ka samoi treikam jongka kan sa kut noh.
Katkum katei ka jingpynbna, ia ka Draft Electoral Roll yn pyllait ha ka 4 tarik u Rymphang. Ia ka jingkam bad jingpyrshah ne ka Claims and Objections un lah ban ujor ha ka 18 tarik u Rymphang bad yn pynkut ne pynbeit ia kane ka jingkam bad jingpyrshah ha ka 23 tarik u Rymphang. Ia ka Electoral Roll kaba pura yn sa pynmih ha ka 6 tarik u Lber.
 hashwa ban pynlong ia ka elekshon MDC.){kind=link}